საქართველოში კორონავირუსით 23-ე პაციენტი გარდაიცვალა. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა.
გამყრელიძის ინფორმაციით, პაციენტი საქართველოს ხელისუფლების მიერ არაკონტროლირებადი ტერიტორიიდან იყო და თბილისის ერთ-ერთ კლინიკაში მკურნალობდა.
მისივე განმარტებით, პაციენტის მდგომარეობა კრიტიკული იყო.
ბოლო 24 საათში, საქართველოში კორონავირუსით გამოწვეული გართულებების შედეგად 3 პაციენტი გარდაიცვალა. 22-ე პაციენტი ბათუმის რესპუბლიკურ საავადმყოფოში მკურნალობდა. მას მძიმე ხარისხის ინსულტი ჰქონდა, რაც მისი გარდაცვალების მიზეზი გახდა. შემთხვევა გუშინ დაახლოებით 20 საათზე მოხდა.
რაც შეეხება 21-ე პაციენტს, ხანშიშესული ქალი ქუთაისში გარდაიცვალა.
საქართველოში კორონავირუსით ინფიცირებულთა რაოდენობა 3 695-ს შეადგენს.
გამოჯანმრთელებულთა რაოდენობა 1534-ია.
უცხოეთიდან სამკურნალოდ გადმოყვანილია საქართველოს 41 მოქალაქე.