თბილისის პირველ საუნივერსიტეტო კლინიკაში მოთავსებული 5 სამხედროს პასუხს ,,ლუგარის ლაბორატორიიდან" დღეს მიიღებენ.
გრიპისთვის დამახასიათებელი სიმპტომებით, ხუთი სამხედრო პირი კლინიკაში გუშინ შეიყვანეს.
თავდაცვის სამინისტრომ 25 მარტს გაავრცელა ინფორმაცია იმის შესახებ, რომ ამ დღეებში გამოკვლევა ჩაუტარდა კიდევ ორ სამხედროს. უწყების ინფორმაციით, ,,ლუგარის ლაბორატორიიდან" მიღებული პასუხით, არცერთს კორონავირუსული ინფექცია არ დაუდასტურდა.
ამ დროისათვის, stopcov.ge-ზე არსებული მონაცემებით, საქართველოში ახალი კორონავირუსით ინფიცირების 75 შემთხვევაა დადასტურებული. აქედან 10 უკვე გამოჯანმრთელდა და კლინიკა დატოვა. კარანტინის რეჟიმში 4055 ადამიანი იმყოფება, სტაციონარში მეთვალყურეობის ქვეშ კი 252.