ახალციხეში, კოსტავას ქუჩაზე მომხდარ ინციდენტზე, რა დროსაც 39 წლის ქალს სცემეს, გამოძიება დაიწყო. ამის შესახებ report.ge-ს შინაგან საქმეთა სამინისტროს პრესსამსახურში განუცხადეს.
,,ახალციხეში მომხდარ ინციდენტზე გამოძიება სსკ-ის 126-ე მუხლით დაიწყო, პოლიციამ ინციდენტში მონაწილე პირების ვინაობა უკვე დაადგინა, ტარდება საგამოძიებო ღონისძიებები", - განაცხადეს უწყებაში.
ახალციხეში ერთ–ერთი გარე მოვაჭრე, რომელიც ბოსტნეულს ყიდდა, გვერდით მდგომმა მწვანილების გამყიდველმა სცემა.