ახალგაზრდა კაცი, რომელიც საოკუპაციო ხაზის გადაკვეთისას ცხენთან ერთად ხრამში გადაიჩეხა, დღეს, 2 ივნისს, გარდაიცვალა.
ოჯახის მოთხოვნით, პაციენტი რეანომობილით ქუთაისიდან თბილისში გადაჰყავდათ, რა დროსაც გზაში გული გაუჩერდა.
ცნობისთვის, 24 მაისს, ოკუპირებულ გალის რაიონის სოფელ რეჩხის მკვიდრი 35 წლის გოჩა კორსანტია, შემოვლითი გზით საქართველოს მიერ კონტროლირებად ტერიტორიაზე გადმოსვლას ცდილობდა.
გოჩა კორსანტიას აფხაზეთიდან პროდუქტებით დატვირთული ცხენი მოჰყავდა ჯვარში, რა დროსაც, სოფელ მუჟავას ტერიტორიაზე დაახლოებით 150 მეტრის სიმაღლიდან ხრამში გადავარდა. იგი ქუთაისის ინტერვენციული მედიცინის ცენტრში მკურნალობდა.