"სინოვაკის" ვაქცინის 100 ათასი დოზა უკვე საქართველოშია.
ჩინური წარმოების ვაქცინებით დატვირთული თვითმფრინავი თბილისის საერთაშორისო აეროპორტში ცოტა ხნის წინ დაეშვა.
"სინოფარმის" მსგავსად, "სინოვაკის" ვაქცინაც ტრადიციული მეთოდებით არის დამზადებული.
საქართველოს ჯანდაცვის მინისტრის მოადგილის, თამარ გაბუნიას განცხადებით, "სინოვაკის" გამოყენება ჯანმრთელობის მსოფლიო ორგანიზაციის მხრიდან ავტორიზაციის შემდეგ დაიწყება, თუმცა ამ პროცესის დაყოვნების შემთხვევაში, მისი გამოყენების პირობებზე კლინიკური საბჭო კიდევ იმსჯელებს.