ვარკეთილში, სადაც ამ წუთებში მეხანძრეები ხანძრის ლიკვიდაციას ცდილობენ, საპატრულო პოლიციის უფროსი ვაჟა სირაძე მივიდა. მისი ინფორმაციით დაშავებული არავინ არის და პერიმეტრზე უსაფრთხოება დაცულია.
"ამ ეტაპისთვის, ჩაქრობითი სამუშაოები მიმდინარეობს. მაქსიმალურად მობილიზებულია სახანძრო-სამაშველო ბრიგადები. ასევე, საპატრულო პოლიციის ეკიპაჟები პერიმეტრის უსაფრთხოება უზრუნველყოფა. მსხვერპლი არ არის,"-განაცხადა ვაჟა სირაძემ.
შეგახსენებთ, რომ ხანძარი ვარკეთილის ბაზრობის ტერიტორიაზე რამდენიმე საათის წინ გაჩნდა. ცეცხლი რამდენიმე მაღაზიას მოედო. დამწვარია 1000 კვმ. ამ დროისთვის ხანძარი ლოკალიზებულია.