დაუდგენელმა პირმა საფრანგეთის პრეზიდენტს, ემანუელ მაკრონს, სავარაუდოდ, კვერცხი ესროლა. ინციდენტის მომენტში მაკრონი ლიონში გამოფენას Eurexpo ესწრებოდა. ინფორმაციას Lyon Mag ავრცელებს.
მისი ცნობით, თავდამსხმელმა იყვირა: "გაუმარჯოს რევოლუციას!".
გავრცელებული ინფორმაციით, კვერცხის ფორმის ობიექტი პრეზიდენტს მხარში მოხვდა.
უსაფრთხოების სამსახურმა ახალგაზრდა მამაკაცი დააკავა. მისი მოტივი ჯერჯერობით უცნობია.
ცნობისთვოის, 8 ივნისს საფრანგეთის პრეზიდენტს, ემანუელ მაკრონს დრომის დეპარტამენტში ვიზიტისას მამაკაცმა სახეში სილა გააწნა.