ინდონეზიაში მიწისძვრის შედეგად დაღუპულთა რიცხვი 10-მდე გაიზარდა. ამის შესახებ სტიქიურ უბედურებებთან ბრძოლის ეროვნული სააგენტოს წარმომადგენელმა, აგუს უიბოუომ განაცხადა.
მისი თქმით, სულ მცირე 100 ადამიანი დაშავდა, 2000 ევაკუირებულია.
ინდონეზიაში, ქალაქ ამბონასთან ახლოს, 6.5 მაგნიტუდის სიმძლავრის მიწისძვრა მოხდა. დაზიანებულია საცხოვრებელი სახლები, საავადმყოფო, უნივერსიტეტის შენობა და ხიდი. საავადმყოფოდან ავადმყოფების ევაკუაცია გახდა საჭირო.