საქართველოს პრემიერ-მინისტრი გიორგი გახარია საქართველოს შესახებ ჟურნალ Forbes-ის სტატიას სოციალურ ქსელ „ტვიტერში“ ოფიციალურ გვერდზე ეხმაურება.
პრემიერი აღნიშნავს, რომ გამოცემა ახალ ნომერში აქცენტს აკეთებს საქართველოს წარმატებაზე, როგორც ტურისტული ისე საინვესტიციო მიმართულებით.
„ჟურნალი Forbes-ი ახალ ნომერში აქცენტს აკეთებს საქართველოს წარმატებაზე, რომელიც უსაფრთხო ტურისტულ ცენტრად ჩამოყალიბებაში და ხელსაყრელი საინვესტიციო გარემოს შექმნაში გამოიხატება“, - აღნიშნავს გიორგი გახარია.
შეგახსენებთ, ,,ფორბსი" საქართველოზე ვრცელ სტატიას აქვეყნებს სახელწოდებით ,,პანდემიის მიუხედავად, გაეროს მსოფლიო ტურიზმის ორგანიზაციის სხდომა საქართველოში ჩატარდა“.
სტატიაში ყურადღებაა გამახვილებული ქვეყნის საინვესტიციო და ტურისტულ შესაძლებლობებზე.