ბათუმში, კორონავირუსისგან გამოჯანმრთელებულმა ბოლო პაციენტებმა სამედიცინო დაწესებულება დატოვეს.
პაციენტები კლინიკა ,,მედალფას" მედპერსონალმა ტაშით გააცილა. მათი გამოჯანმრთელებით, აჭარამ ,,მწვანე ზონის" სტატუსი დაიბრუნა.
30 აპრილის შემდეგ აჭარაში კორონავირუსით ინფიცირების ახალი შემთხვევა არ გამოვლენილა. აჭარაში კორონავირუსზე PCR ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.
ბოლო მონაცემებით, საქართველოში კორონავირუსის 728 დადასტურებული შემთხვევაა, აქედან 509 პაციენტი გამოჯანმრთელდა, 12 გარდაიცვალა.