მთავრობის მიერ კორონავირუსის გამო დაწესებული შეზღუდვების გაუქმება გრძელდება.
მთავრობის გადაწყვეტილებით:
- 18 მაისიდან გაიხსნა სილამაზის სალონები და ესთეტიკური სამედიცინო ცენტრები. თუმცა, აღნიშნულ დაწესებულებებს მთავრობის გადაწყვეტილებით, მკაცრი სტანდარტების დაცვა მოუწევს. კერძოდ, იქნება ელექტრონული რიგის სისტემა და სოციალური დისტანციის დაცვის ვალდებულება.
- მოიხსნა დახურულ და ღია სივრცეებში 3 ადამიანის შეკრებაზე დაწესებული შეზღუდვა. თუმცა ეს არ ეხება ავტოსატრანსპორტო საშუალებით გადაადგილებას. მანქანაში ისევ მხოლოდ სამი ადამიანის ყოფნაა დაშვებული - ერთი მძღოლი და უკანა სავარძელზე ორი მგზავრი.ასევე, ძალაში რჩება 10-ზე მეტი პირის შეკრების აკრძალვა.
რაც შეეხება შეზღუდვების მოხსნის შემდეგ ეტაპს:
15 ივნისიდან საქართველო გაიხსნება ადგილობრივი ტურიზმის სერვისების მიწოდებისთვის.
1 ივლისიდან საქართველო მზად იქნება უცხოელი ტურისტების მისაღებად.