ვატიკანსა და ეგვიპტეში ირანის ყოფილი ელჩი ჰადი ჰოსროუშახი კოროვანირუსით გარდაიცვალა. ირანის საგარეო საქმეთა სამინისტრო მომხდარის გამო მწუხარებას გამოთქვამს.
სააგენტო IRNA-ს ინფორმაციით, ყოფილი ელჩი გუშინ თეირანის ერთ-ერთ საავადმყოფოში შეიყვანეს, სადაც მას კორონავირუსი დაუდგინეს. დიპლომატი ყუმში დაინფიცირდა. ის დღეს გარდაიცვალა.
ბოლო მონაცემებით, კორონავირუსით ირანში 245 ადამიანია ინფიცირებული, 26 გარდაიცვალა.
კორონავირუსი დღეს ირანის ვიცე-პრეზიდენტს დაუდასტურდა.
5 თებერვალს ცნობილი გახდა, რომ ირანის ჯანდაცვის მინისტრი მოადგილე, ირაჯ ჰარირჩი კორონავირუსით დაინფიცირდა. კორონავირუსი კიდევ ერთ ირანელ პოლიტიკოსს დაუდასტურდა.