უკრაინის პრეზიდენტის, ვოლოდიმირ ზელენსკის განცხადებით, საქართველოს ყოფილი პრეზიდენტის, მიხეილ სააკაშვილისგან შედეგს უახლოეს თვეებში ელოდება.
" არ ველოდები სააკაშვილის დანიშვნის პოზიტიურ შედეგს მეორე დღიდანვე, თუმცა, შედეგი უახლოეს თვეებში უნდა იყოს",- აღნიშნა უკრაინის პრეზიდენტმა.
მისი თქმითვე, სააკაშვილმა საქართველოს პრეზიდენტობის დროს ქვეყანაში კორუფციასთან გამკლავება და საბაჟო რეფორმის წარმატებით განხორციელება მოახერხა.
7 მაისს უკრაინის პრეზიდენტის, ვლადიმერ ზელენსკის განკარგულებით, საქართველოს ექსპრეზიდენტი მიხეილ სააკაშვილი უკრაინის რეფორმების ნაციონალური საბჭოს აღმასრულებელი კომიტეტის თავმჯდომარედ დაინიშნა.
უკრაინაში საქართველოს საგანგებო და სრულუფლებიან ელჩს, თეიმურაზ შარაშენიძეს თბილისში კონსულტაციებზე გამოიძახეს.