სამხრეთ კორეაში, ვირტუალური რეალობის VR აპარატის დახმარებით, დედამ თავის გარდაცვლილ ქალიშვილთან შეხვედრა შეძლო.
კორეელებმა შექმნეს გარდაცვლილი გოგონას ციფრული გამოსახულება, რომელსაც საუბარიც შეუძლია.
2016 წელს, ჯიანგ სენ ნიონის შვიდი წლის ქალიშვილი განუკურნებელი დაავადებით გარდაიცვალა. სამი წლის შემდეგ, რადიო კომპანია Munhwa- მ სპეციალურად ამ ქალბატონისთვის მოამზადა დოკუმენტური ფილმი "მე შენ შეგხვდი". გოგონას ციფრული გამოსახულების შექმნის შემდეგ, დედამ ქალიშვილთან შეხვედრა ვირტუალურ რეალობაში მოახერხა.
"ფილმი რვა თვის განმავლობაში იქმნებოდა. ტექნოლოგიის გამოყენებით Munhwa-ს გუნდმა შექმნა პარკი, რომელსაც დედა და ქალიშვილი სტუმრობდნენ.
ვირტუალურ სამყაროში შვილთან შეხვედრა დედამ VR ყურსასმენების და სპეციალური ხელთათმანების საშუალებით შეძლო, რომლებსაც შეხების სტიმულირება შეუძლიათ.
ჩიანგ ჯი-სენი გაესაუბრა საკუთარი შვილის გამოსახულებას და მისი ხელით შეხებაც შეძლო. ამის შემდეგ მათ ერთად აღნიშნეს გოგონას დაბადების დღე.
”იქნებ ეს ნამდვილი სამოთხეა. მე შევხვდი ნიონს, რომელიც ღიმილით მეძახდა. ეს არ იყო ხანგრძლივი შეხვედრა, მაგრამ თავს ძალიან ბედნიერად ვგრძნობ“, - განაცხადა გარდაცვლილი გოგონას დედამ.
პროექტის განხორციელებამდე, დეველოპერებმა ჩიანგ ჯი-სენი მოსალოდნელი რისკები და საფრთხეები გააცნეს. ვირტუალურ სამყაროში გარდაცვლილ საყვარელ ადამიანებთან შეხვედრამ შესაძლოა საფრთხე შეუქმნას ადამიანის ფსიქიკასა და სულიერ ჯანმრთელობას.
