უმეტესობას ერთხელ მაინც უნახავს ისეთი სიზმარი, რომელიც სამომავლოდ ახდენილა, ან რაიმე მინიშნება ყოფილა. გადმოცემის თანახმად, პარასკევს ღამით ნანახი სიზმარი აუცილებლად ახდება. თუმცა, ზოდიაქოს ზოგიერთი ნიშანი მინიშნებებს მარტივად ამოიცნობს და მათ მიერ ნანახი სიზმარი დიდი ალბათობით მომავალში ახდება.
ტყუპები
ტყუპებს წინასწარმეტყველური სიზმრები ხშირად ესიზმრებათ, მთავარია მათი სწორად ამოცნობა შეძლონ. ამასთან ტყუპებს მის მიერ ნანახი სიზმრები უმეტესად ამახსოვრდება, რადგან მისი ყველა სიზმარი ნათელი და ფერადია. გირჩევთ, თქვენი სიზმრების მნიშვნელობას დააკვირდეთ, რადგან ვარსკვლავებს უყვართ სიგნალების გამოგზავნა. ასევე, ტყუპები კარგად განვითარებული ინტუიციითაც გამოირჩევიან და შეცდომებს იშვიათად უშვებენ.
სასწორი
სასწორი თავადაც კი ვერ აცნობიერებს წინასწარმეტყველურ სიზმარს რამდენად ხშირად ხედავს, რადგან ამ ყველაფერს გამოგონილ ზღაპრად მიიჩნევს. სასწორი ხშირად ხედავს სიზმარში ახალ ადამიანებს, რომლებსაც მომავალში შეხვდება. ვარსკვლავები გირჩევენ, მათ მიერ გამოგზავნილ სიგნალებს უფრო მეტი ყურადღება დაუთმოთ.
კირჩხიბი
კირჩხიბები მოვლენების დახვეწილად აღქმის უნარით გამოირჩევიან. თუ სიზმრების მნიშვნელობის სწორად გაგებას შეძლებს, კირჩხიბს შეუძლია ყველა მის პრობლემაზე პასუხი სიზმრებში ეძიოს. ან ნიშნის წარმომადგენლებს ინტუიციაც ხელს უწყობთ, რომ სიზმარს ლოგიკური ახსნა მოუძებნონ. ვარსკვლავები მოგიწოდებენ, სიზმარში უფრო მეტი ყურადღება ახალ ნაცნობებსა და მოგზაურობის მომენტებს დაუთმოთ.
მერწყული
მერწყულს სიზმარი იშვიათად ამახსოვრდება, თუმცა დეჟავუს მომენტი ცხოვრებაში ხშირად აქვს, რაც სინამდვილეში მის მიერ ნანახ სიზმარს ახსენებს. ვარსკვლავები მერწყულებს მოუწოდებენ სიზმარში პატარა დეტალებზე უფრო მეტი ყურადღება გაამახვილოთ, რადგან მასში ბევრ მინიშნებას და შეკითხვაზე პასუხს აღმოაჩენთ.
თევზები
თევზებს, კირჩხიბების მსგავსად, სიზმრების დელიკატურად აღქმის უნარი აქვთ. თუმცა, მეოცნებე თევზები სიზმარში ნანახ არარეალურ მოვლენებს ყურადღებას არ აქცევენ, რადგან ეს ყველაფერი საკუთარი ფანტაზიის ნაყოფად მიაჩნიათ, სინამდვილეში მათში დიდი აზრი იმალება. ვარსკვლავები მოგიწოდებენ სიზმრებს ახლებურად შეხედოთ, რადგან ზებუნებრივი უნარით ხართ განებივრებული და მასში მრავალი პასუხის პოვნა შეგიძლიათ.
