ნიდერლანდების საზღვაო კვლევების უნივერსიტეტის მეცნიერებმა დაადგინეს, რომ ოკეანეს შეუძლია, კაცობრიობა ვირუსებისგან დაიცვას. აღმოჩნდა, რომ ზღვის უამრავი ბინადარი ზღვის წყლის გაფილტვრისას ვირუსულ ნაწილაკებს შთანთქავს.
ექსპერიმენტმა აჩვენა, რომ ზღვის ღრუბლები სულ რაღაც სამ საათში ვირუსების 94%-ს იშორებენ.
წყალში გადაყრილი ნაგვის მიუხედავადაც კი, ოკეანე ინფექციებისგან ადამიანების დაცვას აგრძელებს. ამავე დროს, ექსპერტებმა ხაზი გაუსვეს, რომ კორონავირუსი გარემოს ზიანს აყენებს, რაც მსოფლიო ოკეანეების კიდევ უფრო მეტ დაბინძურებას იწვევს.
ამასთან, ახლა იმ ხელოვნურ პროდუქტებს შორის, რომლებიც წყალს აბინძურებს, პლასტმასის ბოთლების, პარკებისა და რეზინის ხელთათმანების გარდა, პირბადეებიც დაემატა.