შვეიცარიელი მხატვარი საიმონ ბერგერი უკვე სამი წელია შუშისგან პორტრეტებს ქმნის. ეს პროცესი მის "ტილოზე" ჩაქუჩით ფაქიზ დარტყმას მოითხოვს, რათა მხატვარმა საჭირო ნაპრალები შექმნას.
ხანდახან მას ერთი ცდა ჰყოფნის, ხანდახან 5-იც კი სჭირდება.
შუშა უმეტესად მონოქრომულია, ამიტომ საოცარი პორტრეტების შექმნის საიდუმლო ნათელი და ბნელი მონაკვეთებისგან განზომილების შექმნაში მდგომარეობს.
საიმონ ბერგერმა საკუთარი მეთოდები ცდების შედეგად და შეცდომებზე სწავლით შეიმუშავა. ახლა იმისთვის, რომ სასურველი სიღრმე მიიღოს, მან ზუსტად იცის, რამდენჯერ უნდა დაარტყას შუშას.
ამასთან, "ტილოს" განადგურების პრევენციის მიზნით, საიმონი მრავალფენიან უსაფრთხო შუშაზე მუშაობს.
