ამერიკელი ექიმების კვლევების შედეგად დადგინდა, რომ თვალების სიმშრალე ჯანმრთელობის სერიოზულ პრობლემაზე მიუთითებს, როგორიცაა რევმატოიდული ართრიტი.
ექსპერტები აღნიშნავენ, რომ ანთება გავლენას ახდენს კოლაგენზე, შემაერთებელი ქსოვილის მთავარ კომპონენტზე. თავის მხრივ, სკლერა და რქოვანა შედგება კოლაგენისგან, ამიტომ შესაძლოა, რევმატოიდული ართრიტი გამოვლინდეს, კერძოდ, მშრალი კერატიტის საშუალებით, ასევე მშრალი თვალის სინდრომით. ამ მდგომარეობის ნიშნებია უცხო ობიექტის შეგრძნება თვალში, სიმშრალე და ბუნდოვანი მხედველობა.
რევმატოიდული ართრიტი არის დაუდგენელი ეტიოლოგიის აუტოიმუნური რევმატული დაავადება, რომლისთვისაც დამახასიათებელია ქრონიკული ეროზიული ართრიტის განვითარება და შინაგანი ორგანოების სისტემური დაზიანება.
