ბელუგა ვეშაპი, რომელიც ინტერნეტში ბურთის თამაშით გახდა ცნობილი, შესაძლოა რუსული სადაზვერვო პროგრამიდან იყოს გამოპარული. ამის შესახებ The Independent წერს. ექსპერტები ამბობენ, რომ რუსი სამხედრო მეზღვაურების მიერ გაწვრთნილი ვეშაპი, რომელსაც სახელად ვლადიმირი ერქვა, ნორვეგიის ჩრდილოეთით გაუჩინარდა. ის გემზე მყოფ ადამიანებს უშუალოდ ეკონტაქტებოდა და ასე საკვებს სთხოვდა. გავრცელებულ ვიდეოში კი ჩანს, რომ ვეშაპი სამხრეთ აფრიკის რაგბის გუნდის გულშემატკივრებს ბურთით ეთამაშება. ქცევის მახასიათებლების მსგავსების გამო, გაჩნდა ეჭვი, რომ ის სწორედ რუსი ვლადიმირი შეიძლება იყოს.
ვიდეო ამ დრომდე ინტერნეტის 20 მილიონ მომხმარებელს აქვს ნანახი.
ჟურნალისტებმა ნორვეგიის სანაოსნო კვლევის ინსტიტუტსაც მიმართა, თუმცა თეორია ჯერ არ დადასტურებულა.
