პლანეტის ყველაზე პოპულარული გასართობი პარკის სახელი Disneyland-ს ტყუილად როდი აქვს?! ჯადოსნური ადგილი სტუმრებს ახალ შეგრძნებებს სთავაზობს.
უფრო კონკრეტულად კი, 2020 წლის ზაფხულიდან „შურისმაძიებლების“ სივრცეში (Avengers Campus), ვირტუალური ადამიანი-ობობა გამოჩნდება, რომელიც კომპიუტერული ტექნოლოგიის და დივაისების მეშვეობით მოძრაობს. ცნობილი გმირი ყველასთვის კარგად ნაცნობ საჰაერო მოძრაობებს შეასრულებს და სახურავებს "გადაუფრენს". ადამიანი-ობობა პერიოდულად ატრაქციონების ზემოთ, ჰაერში გამოჩნდება და აკრობატული მოძრაობებით, ნაგებობებში გაუჩინარდება.
პიტერ პარკერის ამ ანიმატრონიკული რობოტის მსგავს ქმნილებებს ხშირად იყენებენ გართობის ინდუსტრიაში და სხვადასხვა თემატური გამოფენების დროს. Disneyland-მა სიახლის დაანონსებისთვის, პრომო ვიდეოც გამოაქვეყნა.
ანტონ თათვიძე
ავტორი