სტოკჰოლმის უნივერსიტეტის ასტრონომებმა დედამიწიდან 325 სინათლის წლის დაშორებით გიგანტური ეგზოპლანეტა აღმოაჩინეს.
ასტრონომებმა ობიექტი, რომელსაც b Centauri b-ს უწოდებენ, ჩილეში მდებარე ატაკამის უდაბნოში განლაგებულ ტელესკოპ VLT-ზე დამონტაჟებული ხელსაწყო SPHERE-ით აღმოაჩინეს.
ეგზოპლანეტა იუპიტერს მასით 11-ჯერ აღემატება და იგი ახალგაზრდა ბინარულ ვარსკვლავურ სისტემაში მდებარეობს.
მეცნიერების განცხადებით, ბინარული ვარსკვლავური სისტემა 15 მილიონი წლისაა.