"ბალენსიაგამ", რომლის კრეატიული დირექტორიც დემნა გვასალიაა, 2021 წლის ზაფხულის კოლექცია წარმოადგინა. ვიდეო, რომელიც სხვადასხვა სტრიმინგ საშუალებებზე რამდენიმე საათის წინ გავრცელდა, პარიზშია გადაღებული.
41 კოსტიუმისგან შემდგარი კოლექციის ჩვენებას, მსოფლიოში გავრცელებული კორონავირუსის პანდემიის გამო მაყურებელმა მხოლოდ ეკრანებიდან მიადევნა თვალი.
შოუს დასასრულს, ტიტრში აღნიშნულია, რომ პროდუქცია ჯანდაცვის მუშაკების რეკომენდაციებითა და ზედამხედველობით დამზადდა.
"იმედი მაქვს, ისიამოვნეთ ჩვენებით. დარჩით, სადაც ხართ", - წერს "ბალენსიაგა".
