ბრილიანტები მამაკაცის საუკეთესო მეგობარია! სწორედ ამ დევიზით ხელმძღვანელობდა Dom Borghese-ის დიზაინერი კრისტოფერ შელისი, როდესაც მსოფლიოში ყველაზე ძვირადღირებულ მამაკაცის ფეხსაცმელს ქმნიდა. წერს გამოცემა Daily Mail.
ღვინის ფერის ტყავის მამაკაცის ფეხსაცმელი, რომელიც ბრილიანტებით და ოქროთი არის გაფორმებული 100,000 გირვანქა სტერლინგი (დაახლოებით $ 150,000) ღირს.
დიზაინერმა განაცხადა, რომ ფეხსაცმლის შექმნაზე ის სამი წლის განმავლობაში მუშაობდა. ფეხსაცმელი დედოფალ ელიზაბეტ I-ის მდიდრული სტილით არის შთაგონებული.
მოდის სახლმა ასევე მსოფლიოში ერთ-ერთი ყველაზე ძვირადღირებული პლატინის ქამარი შექმნა, რომლის ღირებულებაც 60 ათასი ფუნტს აღწევს.