ინდოეთში დაიბადა ბავშვი, რომელსაც ორი თავი და სამი ხელი აქვს. ინფორმაციას ამის შესახებ Daily Mail ავრცელებს. როდესაც 21 წლის ბაბიტა აჰირვარი, რომელიც მადჰია-პრადეშის შტატში ცხოვრობს, დაფეხმძიმდა, ექიმებმა მას უთხრეს, რომ მას ტყუპები ეყოლება.
ქალმა ერთი ბიჭი გააჩინა, თუმცა მას ორი თავი და სამი ხელი აქვს.
ექიმების თქმით, ბავშვს ერთი გული აქვს და ის, რომ ახალშობილი გადარჩა, ნამდვილი სასწაულია. ასეთი ანომალია მილიონიდან ერთი ადამიანის შემთხვევაში ფიქსირდება. სავარაუდოდ, ერთმა ემბრიონმა მეორე ნაწილობრივ შთანთქა.
ამჟამად ბავშვი ინტენსიური თერაპიის განყოფილებაშია მოთავსებული. ექიმები მას მუდმივ მეთვალყურეობას უწევენ.
