ჩვენს პლანეტასთან ახლოს, 2,5 მილიონი კილომეტრის მანძილზე ასტეროიდი 1998 SD9 ჩაივლის. NASA-ს ცნობით, მისი სიგანე 44-დან 100 მეტრამდე მერყეობს.
ეს ასტეროიდი, ისევე როგორც ყველა კოსმოსური ობიექტი, რომელიც დედამიწას 7,5 მილიონ კილომეტრზე უფრო ახლო მანძილზე უახლოვდება, პოტენციურად საშიშად ითვლება.
კიდევ ერთი ასტეროიდი 2021 SG დედამიწასთან ბევრად უფრო ახლოს სექტემბრის შუა რიცხვებში იყო. მან უფრო ახლო მანძილზე გაიფრინა, ვიდრე დედამიწიდან მთვარეა დაშორებული. მისი ზომა დაახლოებით 70 მეტრი იყო და NASA-მ მის შესახებ მხოლოდ მაშინ შეიტყო, როდესაც ასტეროიდმა დედამიწას უკვე ჩაუარა.
ეს ნიშნავს რომ ჩვენს პლანეტასთან შეჯახების შემთხვევაში მოსალოდნელი კატასტროფის შესახებ გაფრთხილებული არავინ იქნებოდა.
ამოცნობის პრობლემა იმი გამო შეიქმნა, რომ ის მზის მიმართულებიდან მოდიოდა. ასეთი ასტეროიდების დანახვა ძალიან რთულია იმის გამო, რომ მზის სხივები ხედს ბლოკავს.
