მეცნიერების განცხადებით, გლობალური დათბობით გამოწვეული ტემპერატურის მატების გამო, მალე დედამიწაზე ცხოვრება შეუძლებელი გახდება. ამის შესახებ სამეცნიერო გამოცემა Phys.org წერს.
ექსპერტებმა აღნიშნეს, რომ კრიტიკულად მაღალი ტემპერატურა უკვე აღინიშნება პლანეტის ზოგიერთ ნაწილში. კლიმატის ექსპერტის, ზეკე ჰაუსფაზერის თქმით, კალიფორნიაში, სიკვდილის ველზე ტემპერატურა 2021 წლის ზაფხულში 54,4 გრადუს ცელსიუსს აღწევდა, რაც ისტორიაში ყველაზე მაღალი მაჩვენებელია.
მეცნიერებმა ხაზგასმით აღნიშნეს, რომ უმოქმედობა სიტუაციას სხვა რეგიონებში კიდევ უფრო გაამწვავებს, ასევე გაზრდის ბუნებრივი კატაკლიზმების სიხშირეს, ისეთებისას როგორიცაა გვალვა, ტყის ხანძარი, ქარიშხალი და წყალდიდობა.
ექსპერტების განცხადებით, თუ ტემპერატურა ორი გრადუსით მოიმატებს, სტიქიური მოვლენებისგან მსოფლიოს მოსახლეობის ნახევარი დაზარალდება.
5 ოქტომბერს გაერო-ს მსოფლიო მეტეოროლოგიურმა ორგანიზაციამ (WMO) კაცობრიობისთვის წყლის კრიზისი უწინასწარმეტყველა.
