"ჰაბლის" ტელესკოპმა ურანის ახალი ფოტო გამოაქვეყნა. ამის შესახებ სამეცნიერო გამოცემა Phys.Org წერს.
ურანის ფოტო 25 ოქტომბერს არის გადაღებული, როდესაც პლანეტის ჩრდილოეთ ნახევარსფეროში გაზაფხულია და მზის ულტრაიისფერი გამოსხივება იზრდება და პლანეტა უფრო „ნათელი“ ჩანს.
მეცნიერები ვარაუდობენ, რომ ამის მიზეზი, შესაძლოა, ატმოსფეროში არსებული მეთანი იყოს.
ურანი მეშვიდე პლანეტაა მზის სისტემაში. მისი დიამეტრი ოთხჯერ აღემატება დედამიწის დიამეტრს.
