„აღმოაჩინე აჭარის მთები“- სოფლის ტურიზმის პოპულარიზაციის მიზნით აჭარის ტურიზმის დეპარტამენტმა ახალი საიმიჯო ვიდეორგოლი გადაიღო.
ეს მეცხრე საიმიჯო ვიდეორგოლია, რომელიც აჭარის ტურიზმის დეპარტამენტმა რეგიონის ტურისტული პროდუქტებისა და ღირსშესანიშნაობების პოპულარიზაციის მიზნით 2017 წლიდან დღემდე მოამზადა. ამას ემატება შიდა ტურიზმის პოპულარიზაციის მიზნით სარეკლამო კამპანიის ფარგლებში მომზადებული ვიდეორგოლების სერიაც, სადაც ცნობილი ქართველები მაყურებელს აჭარაში დასვენებისკენ მოუწოდებენ. საიმიჯო ვიდეორგოლები აქტიურად გამოიყენება სამიზნე ქვეყნებში რეგიონის შესახებ ცნობადობის გაზრდისა და ტურისტების მოზიდვის მიზნით, როგორც სატელევიზიო, ისე ონლაინ და გარე რეკლამის წარმოებისას.
გვანცა ჭანტურია
ავტორი