ინდოეთში მცხოვრებ ქალს თითების ზედმეტი რაოდენობის გამო ალქაჯად თვლიან. ინფორმაციას ამის შესახებ Daily Mail ავრცელებს.
63 წლის კუმარ ნაიაკს, რომელიც ინდოეთში, ოდიშას შტატში ცხოვრობს, 31 თითი აქვს. ანომალიის მიზეზი პოლიდაქტილიაა. ეს ადამიანებსა და ცხოველებში თანდაყოლილი დაავადებაა, რომელიც ხელის ან ფეხის ზედმეტი თითით/თითებით გამოიხატება.
ნაიაკს ხელებზე 12 თითი აქვს, ფეხებზე კი 19.
{{photo-big-dd479dba-1dc7-4418-8b6c-3d4a9ff49a60}
ქალი აცხადებს, რომ დაავადების გამო თანასოფლელები მას ალქაჯს ეძახიან და ერიდებიან. კუმარი, რომელიც ამ ანომალიით დაიბადა, სახლიდან პრაქტიკულად არ გამოდის, რადგან „ბულინგის“ მსხვერპლი ხდება.
ქალის თქმით, ხანდახან მასთან ვიზიტორები სპეციალურად მოდიან, რათა სურათი გადაუღონ.
