კანადურმა კომპანია Cobionix-მა რობოტი სახელწოდებით Cobi შეიმუშავა, რომელსაც ადამიანების ვაქცინაცია ნემსის გამოყენების გარეშე შეუძლია.
რობოტს ადამიანის ორგანიზმში ვაქცინა მაღალი წნევის სითხის ჭავლით შეჰყავს. ამ ტექნოლოგიის საშუალებით, რობოტი კანში ადამიანის თმის ღერის სისქის ნახვრეტს აკეთებს და ორგანიზმში ინიექცია შეჰყავს.
ამასთან, აღსანიშნავია, რომ Cobi სრულიად ავტონომიური რობოტია. ის იყენებს LiDAR სენსორებს პაციენტის სკანირებისთვის. ამის შემდგომ, ამ ინფორმაციის საფუძველზე, რობოტი პაციენტის სხეულის 3D რუკას ადგენს. ხოლო მისი მეშვეობით ვაქცინაციისთვის საუკეთესო ადგილს არჩევს.
ასევე, Cobi პაციენტებს ინსტრუქციებსაც აძლევს, თუ როგორ უნდა მოემზადონ ვაქცინაციისათვის.
კომპანიაში აცხადებენ, რომ Cobi ჯანდაცვის ბაზარზე დაახლოებით ორ წელიწადში შევა.