ბავშვთა ჯანმრთელობისა და ადამიანის განვითარების ეროვნული ინსტიტუტის მეცნიერების დასკვნით, ორსული ქალები, რომლებიც ყავას სვამენ, უფრო მცირე წონისა და სხეულის ზომის ბავშვებს აჩენენ, ვიდრე ის ქალები, რომლებმაც ყავა მთლიანად ამოიღეს დღის რაციონიდან.
როგორც მედიცინის მეცნიერებათა დოქტორმა და კვლევის ერთ-ერთმა ავტორმა განმარტა, მონაცემებმა აჩვენა, რომ ორსულობის დროს აუცილებელია კოფეინის შემცველი სასმელების შეზღუდვა ან სრულად ამოღება. მისი თქმით, ქალების შემთხვევაში, რომლებიც დღეში 50 მილიგრამ კოფეინს მოიხმარენ, ნაყოფი 66 გრამით ნაკლებია, იმ ქალების ნაყოფი, რომლებიც კოფეინს საერთოდ არ მოიხმარენ.
მეცნიერთა აზრით, კოფეინი იწვევს პლაცენტის სისხლძარღვების შევიწროებას, რასაც შეუძლია, შეამციროს ნაყოფისთვის სისხლის მიწოდება და შეანელოთ მისი ზრდა. გარდა ამისა, მკვლევარებს მიაჩნიათ, რომ ამ ნივთიერებამ, შესაძლოა, ხელი შეუშალოს სტრესის ჰორმონების შემუშავებას, რის გამოც ბავშვს დაბადების შემდეგ, შესაძლოა, განუვითარდეს წონის სწრაფი მატება და სიმსუქნე.
ასევე კოფეინი ზრდის გულის დაავადებებისა და შაქრიანი დიაბეტის განვითარების შანსებს მომავალში.
