აშშ-ის აერონავტიკისა და კოსმოსური სივრცის კვლევის ეროვნული სამმართველო (NASA) დედამიწისაკენ მომავალი ასტეროიდი გასანადგურებლად კოსმოსურ რაკეტას გაგზავნის. ამის შესახებ ბრიტანული გამოცემა The Guardian წერს.
მისიის მიზანია კოსმოსური რაკეტის ასტეროიდთან შეჯახება მისი ორბიტის შესაცვლელად. ეს არის პირველი შემთხვევა, როდესაც კაცობრიობა შეეცდება კოსმოსური ობიექტის ორბიტა შეცვალოს.
ექსპერიმენტის მიზანია ჩვენი პლანეტის თავდაცვის სისტემის ტესტირება, რომელსაც შეუძლია მოგვაწოდოს ინფორმაცია იმის შესახებ, თუ რა უნდა გაკეთდეს იმისათვის, რომ შეიცვალოს ასტეროიდის ტრაექტორია.
NASA-ს სპეციალისტების გამოთვლებით, მომავალი წლის შემოდგომაზე, DART შეეჯახება პატარა ასტეროიდს, რომელიც საფრთხეს არ წარმოადგენს დედამიწისთვის.
