NASA-ს კოსმოსური სააგენტო დროის ახალი კაფსულის გასაგზავნად ემზადება.
1970-იან წლებში NASA-მ კოსმოსში დატოვა შეტყობინება უცხო ცივილიზაციებისთვის. პლანეტარული სადგურების Pioneer 10 და 11 ბორტზე განთავსდა დაფები, რომელზეც იყო ინფორმაცია ადამიანებისა და დედამიწის შესახებ.
NASA ტრადიციას აგრძელებს და ამჯერად კოსმოსში ხომალდ "ლუსის" გზავნის, რომელიც არ დატოვებს მზის სისტემას.
მისიის ფარგლებში, "ლუსი" იუპიტერის ტროას ასტეროიდებში იმოგზაურებს, რომლებიც მზის გარშემო ბორტგარდში ასტეროიდების მთავარი სარტყლის მიღმა იმყოფებიან.
მას შემდეგ, რაც ლუსი 2033 წელს თავის მისიას დაასრულებს, კოსმოსური ხომალდი ტროას ასტეროიდებს შორის მოგზაურობას ასობით ათასი, თუ არა მილიონობით წლის განმავლობაში გააგრძელებს. ამიტომ, ასტრონავტების გუნდმა გადაწყვიტა კოსმოსური ხომალდის ბორტზე დროის კაფსულა განათავსოს.
დროის კაფსულა ნობელის პრემიის ლაურეატების, ამერიკელი პოეტებისა და ჩვენი დროის სხვა გამოჩენილი მოღვაწეების მიღწევებსა და შეტყობინებებს მოიცავს.
