საქართველოში მოკეკულური ტესტირებისთვის საჭირო რამდენიმე ათასი ტესტის მარაგია. ამის შესახებ დაავადებათა კონტროლის ცენტრის სამეცნიერო ხელმძღვანელმა, პაატა იმნაძემ განაცხადა.
„ჩინეთიდან ველოდებით იმ კვირაში დამატებით პარტიას ისევ და ისევ მოლეკულური ტესტების. ამავე დროს, მიმდინარეობს ძალიან აქტიური მოლაპარაკებებები კორეულ მხარესთან სწრაფი ტესტების მოწოდების თაობაზე. ველოდებით, რომ კონკრეტული შედეგები გვექნება უკვე იმ კვირაში“, – განაცხადა პაატა იმნაძემ ჟურნალისტებთან საუბრისას.
საქართველოში ახალი კორონავირუსით ინფიცირების 48 შემთხვევაა დაფიქსირებული. ამჟამად, კარანტინის რეჟიმში 1966 ადამიანია, ხოლო სტაციონარში მეთვალყურეობას 259 ადამიანი გადის.
