Ray-Ban Stories-ის ჭკვიანმა სათვალეებმა პროგრამული განახლება მიიღეს. ამიერიდან, სათვალეების მეშვეობით Facebook Messenger-ის შეტყობინებების მიღება, წაკითხვა და გაგზავნა იქნება შესაძლებელი. Report.ge-ის ცნობით, ამის შესახებ Facebook-ის დამფუძნებელმა, მარკ ცუკერბერგმა განაცხადა.
მარკ ცუკერბერგის თქმით, მომხმარებლებს შეეძლებათ გამოიყენონ სათვალეებში ჩაშენებული მიკროფონები, დინამიკები და ხმოვანი ასისტენტი შეტყობინებების გასაგზავნად და წასაკითხად. ასევე შესაძლებელი იქნება აუდიოზარების განხორციელება Facebook Messenger-ით.
გარდა ამისა, 2022 წელს ცუკერბერგი ახალ განახლებებს გვპირდება.
მარკ ცუკერბერგმა ჭკვიანი სათვალეების გამოშვება 2020 წლის სექტემბერში დააანონსა. საამისოდ Facebook Luxottica-სთან, Ray-Ban-ის ბრენდის სათვალეების მწარმოებელთან თანამშრომლობს.
