მაკკალისტერების ლეგენდარული სახლი, ამერიკული საშობაო საოჯახო კომედიური ფილმიდან "მარტო სახლში", Airbnb-ზე ქირავდება. ამის შესახებ გამოცემა NBC News წერს.
განცხადება Airbnb-ზე კევინ მაკკალისტერის უფროსი ძმის, ბაზის სახელით 1 დეკემბერს გამოქვეყნდა.
სახლი ჩიკაგოს გარეუბანში მდებარეობს. მას აქვს ორი საძინებელი, Wi-Fi, ტელევიზორი და ბუხარი, ოთახები საშობაოდ არის მორთული.
მისი დაჯავშნა ამ ეტაპზე მხოლოდ ერთი დღით - 12 დეკემბერს არის შესაძლებელი. მისი ღირებულება კი სულ რაღაც 25$-ს შეადგენს.
სტუმრებს ბაზის როლის შემსრულებელი მსახიობი დევინ რეტრეი უმასპინძლებს.
Airbnb-მ პირობა დადო, რომ ერთჯერად შემოწირულებას ლა რაბიდას ბავშვთა საავადმყოფოს გადაურიცხავს.