თურქეთმა კოსმოსში მერვე თანამგზავრი გაუშვა. ის ორბიტაზე ამერიკული კომპანია SpaceX-ის რაკეტით Falcon 9-ით გაიგზავნა. Report.ge-ის ცნობით, ამის შესახებ გამოცემა Hürriyet წერს.
„დღეს ჩვენ გავუშვით კოსმოსში Türksat 5B, ყველაზე ძლიერი საკომუნიკაციო თანამგზავრი ჩვენს ქვეყანაში. ამ პროექტის განსახორციელებლად კი ვამჯობინეთ SpaceX-ის რაკეტა Falcon 9“, - განაცხადა თურქეთის პრეზიდენტმა, რეჯეფ თაიფ ერდოღანმა გაშვების ცერემონიის შემდეგ.
მისი თქმით, Türksat 5B-ის ექსპლუატაციაში გაშვება 15-ჯერ გაზრდის მონაცემთა გადაცემის სიჩქარეს და სიმძლავრეს. გაშვებული თანამგზავრი რეგიონებს ფართოზოლოვანი თანამგზავრული ინტერნეტით უზრუნველყოფს.
