ახალი გამოსახულება 21 ცალკეული ფოტოსურათის კომბინაციაა, რომელიც მარსმავალმა Curiosity გეილას კრატერის თავზე არსებული უცნაური ღრუბლის შესასწავლად გადაიღო. ამის შესახებ Livescience წერს.
”ყოველთვის აღფრთოვანებული ვარ ფერებით, რომლებიც ჩნდება: წითელი, მწვანე, ლურჯი და მეწამული”, - ამბობს კოლორადოს კოსმოსური მეცნიერების ინსტიტუტის მეცნიერი მარკოზ ლემონი.
NASA–ს ცნობით, ჩანს, თითქოს ეს ღრუბლები მარსის ატმოსფეროში უფრო მაღლა მდებარეობს, ვიდრე პლანეტაზე ჩანს. თუ ღრუბელი Curiosity-ს თავზე გადის, ის ყინულითაა სავსე და მარსის ზედაპირიდან დაახლოებით 60 კილომეტრის სიმაღლეზე მიცურავს.
NASA-ში აცხადებენ, რომ მზის ჩასვლის შემდეგ ღრუბლები განსაკუთრებით ლამაზია, როდესაც სხივები ყინულის კრისტალებს ანათებს.
ფოტოგალერეა: NASA.