მომხმარებლებმა Google Maps-ზე ჩრდილოეთ კორეის საიდუმლო ციხეა შენიშნეს, სადაც ექსპერტების აზრით, 15 ათასამდე პატიმარი ეტევა. Report.ge-ის ცნობით, ამის შესახებ გამოცემა Daily Star წერს.
გამოცემის ინფორმაციით, რუკებზე კეჰჯონის საიდუმლო ციხეა გამოსახული. ჩრდილოეთ კორეაში ასეთ დაწესებულებებს „საკონცენტრაციო ბანაკებს“ უწოდებენ.
ციხე ჩრდილოეთ კორეის დედაქალაქ ფხენიანიდან ჩრდილო-აღმოსავლეთით, დაახლოებით 100 კილომეტრში მდებარეობს. „საკონცენტრაციო ბანაკის“ სიგრძე 40-50 კმ-ია, სიგანე კი დაახლოებით 30 კმ.
ამ დაწესებულებაში სისხლის სამართლის დანაშაულისთვის მსჯავრდადებულები იმყოფებიან.
