პარლამენტთან მიმდინარე საპროტესტო აქციაზე სამართალდამცველებმა 16 პირი დააკავეს. ამის შესახებ report.ge-ს შინაგან საქმეთა სამინისტროში განუცხადეს.
აღნიშნული პირები ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის არიან დაკავებული.
დაკავებულთა შორის არიან, პარტია ,,ახალი საქართველოს" ლიდერი გიორგი ვაშაძე და საზოგადოებრივი მოძრაობა “ლელოს” წევრები ირაკლი კუპრაძე და გიორგი ბუნტური.
