გაეროს ბოლო კვლევის მიხედვით, საუკუნის ბოლოს დედამიწის მოსახლეობა 10 მილიარდს მიაღწევს. ამავე კვლევით ირკვევა, რომ შემცირდება შობადობის რიცხვი. დღეისათვის მსოფლიოში შობადობის დონე ერთ ქალზე 2,5 ბავშვს შეადგენს, 2030 წლისთვის კი ეს მონაცემი 2,4-მდე შემცირდება.
რაც შეეხება 65 წლისა და უფროსი ასაკის ადამიანებს, მათი წილი მოსახლეობის საერთო რაოდენობის მიხედვით იზრდება.
გაეროს კვლევის მიხედვით ბოლო 25 წლის განმავლობაში მსოფლიოში მნიშვნელოვნად ამაღლდა მოსახლეობის კეთილდღეობის დონე. შემცირდა ადამიანების რაოდენობა, რომლებიც უკიდურესი სიღატაკის პირობებში ცხოვრობენ. განსაკუთრებულად გაზრდილია სიცოცხლის ხანგრძლივობა.
