მოძრაობა „ლელოს“ წევრებმა საქალაქო სასამართლოსთან აქცია-პერფორმანსი გამართეს. მათ ხელები ყვითელი ყელსახვევებით შეიკრეს. „ლელოს“ წევრის, ანა ნაცვლიშვილის განცხადებით, მოძრაობა ამ ფორმით, 18 ნოემბერს დაკავებულ აქციის მონაწილეებს სოლიდარობას უცხადებს.
შეგახსენებთ, რომ შსს-მ18 ნოემბერს აქციაზე 37 პირი დააკავა. მათ „ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევა ედებათ ბრალად.
მოსამართლემ დაკავებულ ათ პირს ადმინისტრაციული პატიმრობა შეუფარდა, ერთს 1000-ლარიანი ჯარიმა, 25 დაკავებულის საქმის განხილვა კი, გადაიდო.
