დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით აჭარა არ ჩაიკეტება.
"არავითარი ჩაკეტვა არ იქნება, არც ბათუმის და არც აჭარის. ინფიცირებულთა რაოდენობა არ არის იმდენი, რომ რადიკალური ზომები იქნას მიღებული," - განაცხადა ამირან გამყრელიძემ.
მისი თქმით, ბათუმში უკვე 8000-მდე ტესტი ჩატარდა, ეპიდემიოლოგიური კვლევები კი გრძელდება. ამასთან, ის ამბობს, რომ ქვეყანაში სიტუაცია კონტროლირებადია და განგაშის საფუძველი არ არის, თუმცა მდგომარეობა საყურადღებოა.