დაავადებათა კონტროლის ეროვნული ცენტრის დირექტორის, ამირან გამყრელიძის განმარტებით, დღეს არსებული ვაქცინები კორონავირუსის ახალი შტამის, "ომიკრონის" წინააღმდეგაც ეფექტურია დაავადების მძიმე მიმდინარეობისა და ლეტალური შედეგის პრევენციის კუთხით.
"ვაქცინაცია არის პრევენციის მთავარი საშუალება, რადგან ახალი შტამის პირობებშიც, მიუხედავად დაინფიცირებულების მკვეთრად გაზრდილი რაოდენობისა, დაიმახსოვრეთ, რომ ვაქცინა ომიკრონზეც იცავს გართულებებისა და სიკვდილიანობისგან. ჯანმო-ს მიერ ავტორიზებულ ყველა ვაქცინას აქვს დაცვა მთავარ ორ გართულებაზე- ჰოსპიტალიზაცია და სიკვდილიანობა" - განაცხადა გამყრელიძემ.
