საქართველოს ექს-პრეზიდენტი, მიხეილ სააკაშვილი, გორის ჰოსპიტალში პირადმა ექიმმა, ნიკოლოზ ყიფშიძემ მოინახულა.
ყიფშიძის განცხადებით, მიხეილ სააკაშვილი არ არის კარგად და მას ამჟამად გამოკვეთილი სისუსტე აღენიშნება.
მისივე თქმით, ამჟამად, მიხეილ სააკაშვილის ჯანმრთელობის მდგომარეობა არ იძლევა საშუალებას, რომ ის კვლავ რუსთავის #12 პენიტენციურ დაწესებულებაში გადაიყვანონ.
"ეს მედიკამენტი დაინიშნა რუსთავის კლინიკაში. ეს იყო საძილე საშუალება. ამ წამლის მიღება შევწყვიტეთ პარასკევს, პირველი სასამართლოს წინ. ჩემი თვალით ვნახე ისტორია, რომ დოზების გაზრდა იგეგმებოდა. დაახლოებით ათჯერ მეტი დოზა ინიშნებოდა. ეს ითვლება საშუალოზე მეტ დოზად და გამოიწვევდა უფრო მეტ სისუსტეს და უფრო მძიმე მდგომარეობას. თუკი ის ამ გაზრდილ დოზებს მიიღებდა, ის ვერ გამოვიდოდა სასამართლოზე. ეს დოზები დაინიშნა გორის ჰოსპიტალში, ფსიქიატრის მიერ. არ ვიცი, ვინ იყო ის.
შეუძლებელია, არცერთი ექიმი ხელს არ მოაწერს მის რუსთავის ციხეში ეტაპირებას. მე ასეთ ექიმს არ ვიცნობ, არც საქართველოში და არც მთელ მსოფლიოში", - აცხადებს ნიკოლოზ ყიფშიძე.
