დაავადებათა კონტროლის ეროვნული ცენტრი სადღესასწაულო შეკრების უსაფრთხოდ გასატარებლად მოსახლეობას რეკომენდაციებით მიმართავს.
,,რჩევები სადღესასწაულო შეკრების უსაფრთხოდ გასატარებლად:
COVID-19-ის გავრცელებასთან დაკავშირებით, სადღესასწაულო შეკრებები მიზანშეწონილი არ არის. თუმცა, თუ სტუმრად წასვლას გეგმავთ, ან სტუმრები გეწვიათ, დაიცავით უსაფრთხოების წესები:
ვახშმობისას არ გამოიყენოთ საერთო/საზიარო ჭურჭელი;
სადღესასწაულო შეკრებაზე, თუ თქვენი ოჯახის წევრების გარდა სხვა ადამიანებიც იმყოფებიან, აუცილებლად გამოიყენეთ პირბადე;
პირბადე მოიხსენით მხოლოდ სადილობის დროს;
სადილობისას აუცილებელია დაიცვათ სულ მცირე 1 მეტრი დისტანცია გარშემომყოფებისგან;
დაიბანეთ ხელები საკვების მიღებამდე და შემდეგ;
დაიცავით რესპირაციული ეტიკეტი", - აღნიშნულია NCDC-ის მიერ გავრცელებულ ინფორმაციაში.