გორში, კომბინატის დასახლებაში ე.წ. ზებრა გადასასვლელზე მანქანა ქალს და მის 5 წლის შვილს დაეჯახა.
დედა-შვილი სასწრაფო დახმარების მანქანით გორის სამედიცინო ცენტრ „გორმედში“ გადაიყვანა. მათ შეჯახებისას მსუბუქი დაზიანებები მიიღეს.
როგორც report.ge-ს შსს-ში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
