აჭარის მთავრობის სახლთან გამართულ საპროტესტო აქციაზე რამდენიმე დემონსტრანტი დააკავეს. მათი დაკავების მიზეზი პოლიციის კანონიერ მოთხოვნაზე დაუმორჩილებლობაა.
ოფიციალური ინფორმაცია ამ დრომდე არ გავრცელებულა, შესაბამისად, უცნობია, თუ რამდენი პირია დაკავებული.
აჭარის მთავრობის სახლთან მიმდინარე აქციაზე მდგომარეობა მას შემდეგ დაიძაბა, რაც აქციის მონაწილეებმა აჭარის მთავრობის თავმჯდომარესთან შეხვედრა მოითხოვეს. პოლიციასა და აქციის მონაწილეებს შორის დაპირისპირება სწორედ ამის გამო მოხდა.
