ბათუმში კორონავირუსით ინფიცირების კიდევ ოთხი შემთხვევა დადასტურდა. მათგან ერთი ე.წ. ქობულეთის კლასტერს უკავშირდება.
აჭარის ჯანდაცვის მინისტრის მოადგილის, ნინო ნიჟარაძის განცხადებით, ამ ოთხი პირიდან სამი თურქეთიდან დაბრუნებული საქართველოს მოქალაქეა. ოთხივე მათგანი კარანტინში იმყოფებოდა.
მისივე განცხადებით. გასული დღის განმავლობაში 100 პირს ჩაუტარდა ანალიზი.
ამ დროისთვის, საქართვლოში კორონავირუსით ინფიცირებულთა რაოდენობა 385-ს შეადგენს. აქედან 84 გამოჯანმრთელებულია. გარდაიცვალა - 3. კარანტინის რეჟიმში 4 971 ადამიანი იმყოფება. ხოლო სტაციონარში, მეთვალყურეობის ქვეშ - 519.
