ალერგოლოგ-იმუნოლოგი ბიძინა კულუმბეგოვი სოციალურ ქსელში ჩინური "სინოფარმის" ვაქცინის შესახებ ინფორმაციას ავრცელებს.
"ინფორმაცია სინოფარმის ვაქცინის შესახებ:
სრული სახელი: COVID-19 ვაქცინა (Vero უჯრედი), ინაქტივირებული.
იგი დამზადებულია SARS-CoV-2-ის 19nCoV-CDC-Tan-HB02 შტამისგან, რომელიც ინერგება Vero უჯრედებზე კულტივირების, ვირუსის შეგროვების, ბეტა-პროპიოლაქტონის ინაქტივაციის, კონცენტრაციისა და გასუფთავების მიზნით, შემდეგ შეიწოვება ალუმინის ჰიდროქსიდის ადიუვანტის საშუალებით და ქმნის თხევად ვაქცინას.
ვაქცინა არ შეიცავს ანტიბიოტიკებსა და კონსერვანტებს!!!
გამოიყენება 18 წლის და ზედა ასაკის პირებში.
აცრების კურსი შედგება 2 ინექციისაგან, აცრებს შორის ინტერვალი შეადგენს 21-28 დღეს.
ვაქცინის ერთი დოზაა (0,5 მლ).
აცრა კეთდება ინტრამუსკულარულად მხარის ზედა ნაწილში.
უკუჩვენებები:
- პირები, რომლებიც ალერგიული არიან ამ პროდუქტის ნებისმიერი კომპონენტის მიმართ.
- პირები, რომლებსაც წარსულში აღენიშნათ ვაქცინების მიმართ ალერგიული რეაქციები (მწვავე ალერგიული რეაქცია, ანგიონევროზული შეშუპება, დისპნეა და ა.შ.).
- პირები უკონტროლო ეპილეფსიით ან სხვა პროგრესული ნერვული სისტემის დაავადებებით და ანამნეზში გიენ-ბარეს სინდრომით.
- ორსული და მეძუძური ქალები.აი-ცერი და იყავი დაცული!", - წერს ბიძინა კულუმბეგოვი სოციალურ ქსელში.
ცნობისთვის, 18 წლის ზემოთ მოქალაქეებისათვის, "სინოფარმით " ვაქცინაციისთვის რეგისტრაცია 27 აპრილს დაიწყო.
"სინოფარმით" ვაქცინაციის პროცესი ქვეყანაში 4 მაისიდან დაიწყება.
ვაქცინაციაზე რეგისტრაცია შესაძლებელია ბმულზე
